En ospitalitad benedictina dain nus albiert en nossa chasa a giasts che vulan sa retrair da la hectica dal mintgadi e cuir a sasez in pèr dis da reflexiun. La primavaira e l'atun offrin nus er emnas da giginar, manadas professiunalmain (reflexiun, meditaziun, yoga).
La baselgia da la claustra che serva er sco baselgia parochiala sco er la chaplutta da la Grazia èn avertas a visitadras e visitaders per uraziun individuala. Giasts e turists èn envidads en il museum ed en la butia da dar in sguard davos ils mirs da la claustra.