D'impurtanza mundiala èn la pictura murala dal temp medieval tempriv ord il 9avel tschientaner ed ils maletgs romanics dal 12/13avel tschientaner en la baselgia da la claustra. Impressiunanta è er la fatscha da la pli veglia statua monumentala - originalmain colurada - da l'imperatur Carl il Grond. La tur da Planta, construida davent dal 957, vala sco il pli vegl edifizi profan en il territori da las Alps. La claustra da Müstair è ina perditga da la culminaziun cristiana enturn ils 800, ina ierta culturala da l'umanitad sur tut ils temps, curt: in patrimoni cultural mundial da l'UNESCO.