Il cumplex da la claustra è cumparegliabel cun in grond sistem modular che consista da diversas parts construidas durant passa 1200 onns. La pli veglia part dal bajetg e la baselgia da la claustra cun ses prezius ciclus da maletgs carolingics dateschan circa davent dal 775. Carl il Grond sez ha probablamain sustegnì la construcziun fermamain. Durant ils tschientaners han gì lieu almain otg grondas transfurmaziuns. Ins ha demolì bajetgs e construì novs. Mintga epoca ha laschà ses fastizs cun picturas, stuccaturas, artgs, stivas tavlegiadas ed er objects dal mintgadi e da la vita religiusa en claustra.