La classificaziun en la glista da l'UNESCO sco patrimoni cultural mundial na porta nagins meds finanzials. Dentant s'oblighescha la Svizra da tgirar quests bains culturals extraordinaris. Igl è perquai ina dumonda da la solidaritad confederala da sustegnair la restauraziun. Ils responsabels per l'acquisiziun da finanzas mettan a disposiziun ils meds.
Fundà l'Uniun dals amis da la claustra Son Jon a Müstair han persunas spezialmain colliadas cun la claustra. Cun ina contribuziun annuala gidan ellas a finanziar mintgamai in project. Ellas vegnan er infurmadas periodicamain cun fegls d'infurmaziun davart il svilup da las restauraziuns. Instituziuns orientadas culturalmain pon cun sustegns finanzials contribuir decisivamain a la realisaziun d'in project. La fundaziun cusseglia Vus gugent. Fitg bainvegnidas èn er contribuziuns a lavurs scientificas sco premissa impurtanta per ina restauraziun professiunala.